Поради работни активности за имплементација на СКАДА системот, вечер од 20:30 часот можно е да дојде до намалување или отежнато водоснабдување во повеќе населби и улици во Штип.
Според известувањето на ЈП „Исар“-Штип, со намален притисок или отежнато водоснабдување може да се соочат жителите на населбата 8-ми Ноември, улиците „Партизанска“, „Кирил и Методиј“, „Борис Кидрич“ и околните улици, делови од улиците „Вардарска“ и „Карл Маркс“, потоа населбата Ново Село, улицата „Димитар Влахов“, Индустриската зона, населбите Пребег, Долна и Горна Железничка, како и Три Чешми. Од ЈП „Исар“ информираат дека станува збор за планирани активности за имплементација на SCADA системот и апелираат до граѓаните за разбирање додека траат работите.
