78% зголемување на минималната плата и 35 % испплата на додаток за плата на судските службеници или ќе блокираат улици, нема да издаваат уверенија за неосудуваност и ќе ја блокираат работата на судовите. Од утре со штајк се закани судската администрација и членовите на Независните синдикати на државната администрација кои денеска излегоа на протест пред Министерството за правда и пред Владата. Како што најавија организаторите, на Кривичниот суд и Граѓанскиот суд во Скопје, од утре им се приклучува судската администрација од сите судови во земјава. И тие бараат европски плати како оние на функционерите. Судските службеници уште еднаш ги повторија нивните барањата за зголемување на платите за 30% наместо договорените 10%.
Министерството за правда не ги испочитува неколкуте наши барања за прием, воедно и Министерството за финансии не не испочитува за прием, претседателот на Владата исто така го известивме дека повеќе од потребно е да имаме средба на којашто ќе им укажеме на проблемите што се случуваат во судството, во делот на затворскиот систем итн, посочи Горан Ристески, претседател на Независен синдикат на државната администрација.
Претседателката на штрајкувачкиот одбор на Основниот кривичен суд, Јасмина Величкова, во изјава за медиумите истакна дека на вчерашната одлука за стапување во штрајк на овие два суда од утре ќе се приклучат сите останати судови. Од средбата во Министерството за финансии, претставниците на суиндикатите излегоа незадоволни ббидејќи им било кажано дека за нив од буџетот не е предвидено покачување на платите.
-Барањата на штрајкувачкиот одбор се: Покачување на платата на судската служба од 78 проценти на минималната плата во судската служба и 30 % додаток на плата за судските службеници, истакна Јасмина Величкова, претседателка на штрајкувачки одбор при Кривичниот суд во Скопје.
Судската администрација веќе подолго време бара покачување на платите и исплата на додатоците на плата, особено откако Уставниот суд донесе одлука со која платите на функционерите, а меѓу нив и судиите се покачија за неверојатни 78%.
Паула Костадиноска
