Промени на цените на бензинските пумпи, од полноќ, носи најновата одлука на Регулаторната комисија. Бензините поевтинуваат, додека дизелот и маслото за домаќинство поскапуваат. Според последната одлука, малопродажните цени на Еуросупер-95 и Еуросупер-98 се намалуваат за 2,50 денари по литар. Тоа значи дека 95-ката сега ќе се продава по цена од 96 денари за литар, додека Еуросупер-98 ќе чини 98,00 денари.
Малопродажните цени на Еуродизелот и на екстра лесното масло за домаќинство се зголемуваат за 2 денари. По овие зголемувања, новата цена на Еуродизел изнесува 99 денари за литар, додека екстра лесното масло за домаќинство достигнува цена од 110,5 денари за литар.
