Мислат дека како што тие се однесуваа кон државата и кон граѓаните – лажејќи, ограбувајќи и понижувајќи ги, така сите се однесуваат – премиерот Мицкоски остро и возрвати на опозициската СДСМ по обвинувања дека власта направила договор под маса во однос на изградбата на дата-центрите. Според него, паниката што ја шири опозицијата е тотална невистина, незнаење и непознавање, а тој како премиер се срами што тие луѓе кои ги испраќаат овие пораки имаат политичка тежина и водат политички партии.
- Ние немаме намера како Влада, а тоа сме го покажале во овие 25-26 месеци, ништо да правиме под маса. Добро знаете дека секоја странска инвестиција или инвестиција која што е стратешка ја објавуваме јавно, транспарентно и тука нема никаква дилема да има. Тоа што го слушам овие 2-3 дена се обидувам како инженер да не го коментирам бидејќи тоа што го слушам претставува тотална невистина, незнаење и непознавање и понекогаш и се срамам што тие луѓе кои ги испраќаат овие пораки имаат политичка тежина и водат политички партии. Нема да навлегувам во суштината бидејќи мислам дека не заслужуваат суштински одговор на техничко ниво бидејќи манифестираат тотално непознавање – рече Мицкоски.
Во однос на проектот во Пехчево, премиерот вели дека државата нема ништо со тоа, дека станува збор за приватна иницијатива и станува збор само за предлог на нацрт-урбанистички план. А кога државата ќе прави или ќе преземе инстутуцинлен ризик за изградба на ваков објект, за што веќе има заинтересирано странски комапнии, тогаш, според Мицкоски, тоа ќе биде јавно, и транспарентно направено.
- Преговараме со најмалку пет, шест можни инвеститори, а еден од нив е позната мултинационална компанија. И нема да отстапиме од тој чекор ни милиметар – истакна премиерот.
Рекацијата на премиерот следи по обвинувањата на опозициската СДСМ и нивниот лидер Венко Филипче дека не само што изградбата на ваквите центи ќе било штетно, туку и дека владата тајно преговарала со инвеститори. Филипле дури и си ја препиша заслугата што проектот во Пехчево во моментов е стопиран. Интересно е што токму овој дата-центар беше повод, и сопартиецот на Филипче, екс премиерот Ковачевски, на социјалните мрежи да си направи мајтап со тие што се против проектот во Пехчево.
