Запален е автомобилот кој го управувал градоначалникот на Шуто Оризари, Курто Дудуш, а е во сопственост на неговата сопруга Фатима Османовска.
„Во 03:50 часот во СВР Скопје е пријавено дека на подрачјето на Шуто Оризари било опожарено патничко возило „Ренџ Ровер“ со скопски регистарски ознаки, сопственост на Ф.О. од Скопје. Според пријавеното, сопствениците на безбедносните камери забележале едно маскирано лице кое истурило течност на возилото, по што веднаш се запалило возилото“, информира МВР.
Од таму додаваат дека повредени лица нема, а пожарот е изгаснат од екипа на Бригадата за противпожарна заштита – Скопје. Се преземаат мерки за расчистување на случајот.
