Први притвори во Македонија за запленетите 5 тони марихуана во Србија: уапсени се две лица. Определен им е притвор од 48 часа од страна на судија на претходна постапка, по предлог од обвинител.
Определувањето на краткотрајниот притвор е со цел обезбедување на лицата и овозможување доволно време на јавниот обвинител за преземање на неопходните процесни дејствија и донесување соодветна одлука за понатамошно постапување.
Во вакви случаи, особено кога се работи за предмети со поголема сложеност, како и предмети со меѓународен карактер, временските рокови често се ограничени, што ја оправдува примената на оваа мерка.
Надлежните од Обвинителството нагласуваат дека се продолжува со интензивно постапување во предметот и јавноста ќе биде навремено информирана за понатамошниот тек, согласно законските можности.
