НУ Музеј на македонската борба за самостојност утревечер со ретроспективна изложба на плакати од реализираните изложби, како и презентација на избрани печатени изданија и каталози од својата досегашна активност ќе одбележи 15 години од основањето.
Во рамки на програмата, во чест на јубилејот, ќе биде прикажана и видеопрезентација со архивски материјали од досегашните активности, како осврт кон изложбената, издавачката и програмската дејност на музејот.
-Јубилејот е потсетник на изминатите 15 години, вклучувајќи ги изложбите, проектите и соработките што ја одбележаа работата на музејот, стои во соопштението.
На свеченоста ќе бидат доделени благодарници на лица и институции кои во изминативе години ја помогнале и поддржале работата на музејот.
