Наместо синдикални протести по повод први Мај, за работничките права утре ќе штрајкуваат невладини организации. Откако вчера синикалниот лидер Муратовски објасни дека синдикатот не сакал да долева масло на оганот наречен економска криза, улогата на заштитник на работниците утре ќе биде во рацете на членовите на Движењето за социјална правда Ленка.

Од Ленка, не сакаа да ја коментираат одлуката на организацијата на работниците- синдикатот да не излезе на улица и да демонстрира солидарност. Зошто економската криза, во која околу 30.000 луѓе останаа без работа, е аргумент да не се штрајкува наместо да се излезе на улица денеска не објаснија во синдикатот. Лидерот Муратовски имаше синдикални активности во Прилеп.

Неофицијално, од синдикатите коментираат дека една од причините за откажувањето на протестите е и слабото расположение кај работниците. Велат, со традицијата на долгогодишни политички притисоци од осамосојувањето до денес работниците се плашат за своите работни места- факт поради кој македонскиот работник не го чусвтува 1 МАЈ како свој празник.

Пред речиси шест месеци ССМ најавуваше масовни протести против последниот закон за работни односи, но на улица излегоа само околу 2000 работници. Социолозите и експертите за работнички права тогаш коментираа дека синдикалната организација е во криза и дека комплетно ја изгубила довербата на работниците.
 
Александар Димитриевски