ALFA TV - Македонија - Нимиц не може да ги усогласи Скопје и Атина за посета

Македонија

Share |

Нимиц не може да ги усогласи Скопје и Атина за посета

понеделник, 08 февруари 2010, 19:23

Метју Нимиц не може да ги усогласи агендите на Скопје и на Атина за неговата претстојна посета на регионот. Се уште останува начелниот период - крајот на овој или евентуално почетокот на идниот месец, но датумот не е прецизиран. Од кабинетот на медијаторот денеска информираа дека Нимиц прави напори за утврдување заеднички прифатлив тајминг и дека кога тоа ќе биде направено, јавноста во двете земји ќе биде известена.

Со тоа се потврдува дека посредникот има проблем да најде датум кој би ги задоволил и Македонија и Грција. Македонското МНР го известило нимиц дека за скопје е прифатлива последната седмица од февруари.

,,Се прават консултации меѓу посредникот и македонската и грчката влада. Очекуваме таа посета на Нимиц да се оствари кон крајот на месецов,, - изјави министерот за надворешни работи Милошоски минатата седмица.

Извесно е дека Нимиц, како искусен дипломат, ќе ги надмине овие технички детали за тајмингот на неговата посета, но прашање е што ќе донесе во Скопје и во Атина. Грција го има одговорот – тоа нема да биде нов предлог.

,,Не очекуваме нов предлог. Такво нешто не постои. Она што на крајот го очекуваме е поконструктивен однос од политичкото раководство на Поранешната Југословенска Република Македонија, за да видиме дали навистина можеме да го решиме ова прашање. Грчката позиција, од чие повторување нема никогаш да се изморам е јасна и позната. Тоа е нашата црвена линија и тие ќе треба да ја имаат на ум,, - вели грчкиот алтернативен министер за надворешни работи Друцас во неговото последно интервју.

Ваквата изјава на Друцас ги отсликува грчките позиции, чии проценки се дека без суштинско подобрување на односите и прекинување на како што во Атина ја нарекуваат, антигрчката кампања во земјава, решение е малку веројатно. Сето ова, шансите претстојната мисија на Метју Нимиц да даде некаков напредок во процесот, ги прави речиси никакви.

Владимир Мирчески

sedi si doma

Објавено на 08.02.2010, од vlado

najdobro e da si sedish doma. Nema nisto od ovaa ravbota zatoa sto samata pomisla da mi go smenis imeto me nervira mi se povrakja od FASIZMOT koj go demonstrirate kon MAKEDONIJA.