Општ впечаток е или барем сите се трудат да биде дека земјава ја надминала традиционалната фаза и дека е модерно општество во кое жената е на исто ниво со мажот. Но, дали жените се еднакви со мажите во земјава?

Според истражувањето на Светскиот економски форум Македонија паднала на лостата според рамноправноста на жените-од  41 место лани на 56 годинава.

Причината за ова, велат од Националниот Совет на жените на Македонија, е тоа што во државата не се неспроведваат законите кои ја регулираат рамноправност меѓу мажите и жените.

Според СОЖМ најголем показател за нерамноправноста помеѓу мажите и жените во Македонија е семејното гласање. Со обука на едукатори ќе се обидат да ги научат жените да гласаат независно од мажите и да ги препознаат изборните нерегуларности.

Во конкурениција на 130 земји, највисоко на листата за еднаквост меѓу мажите и жените и годинава е Норвешка, а веднаш зад неа се Финска, Шведска и Исланд.
Од соседите, подобра положба на жените во општеството од Македонија имаат Бугарија, Хрватска и Словенија, а полоша Грција, Албанија и Турција.

Мери Бакалова