Дури 70 % од граѓаните на општина Центар се против изградбата на било каков верски објект на плоштадот. Ова го покажа теренското истражување на „Брима Галуп“, нарачано од здруженијата „ Плоштад Слобода “ и „ Граѓани за Европска Македонија “. Дури 74 % од граѓаните се против подарувањето на земјиште на МПЦ и ИВЗ. Но огромна е бројката и на оние граѓани кои не се сложуваат верскиот објект на плоштадот да се изгради без нивно мислење.

Имајќи ги во предвид овие податоци, двете здруженија се одлучија ад покренат иницијатива за спроведување референдум меѓу граѓаните на Општина Центар.

- Жарко Трајаноски:„Охрабрени од ова испитување на јавното мислење ние ќе превземеме понатамошни чекори, ќе се обидеме да ги искористиме, не само правните механизми кои ни стојат на располагање, туку и сите демократски механизми, пред се механизмот референдум-непосредно изјаснување на граѓаните “ - изјави Жарко Трајановски од Граѓани за европска Македонија.

Двете здруженија најавија дека во наредните неколку дена ќе започнат постапка за собирање на 8800 потписи кои се потребни за задолжително распишување на референдум во општината Центар. Градењето на црква на плоштадот го најави премиерот пред една година како проект на владата ..По критиките во јавноста и барањето за градење и на џамија кај камениот мост Груевски се повлече и градењето на црква и го препушти на МПЦ подарувајки и го плацот.

 Катерина Топалова