ALFA TV - Економија - „Тојота“ повлекува уште 430.000 возила

Економија

Share |

„Тојота“ повлекува уште 430.000 возила

петок, 30 јули 2010, 10:18

По низата повлекувања на огромен број автомобили од брендот „Тојота“, компанијата се соочува со уште проблеми. Светските медиуми известија дека јапонскиот автомобилски гигант повлекува уште 430.000 возила од моделот „авалон“ поради грешки во управувачкиот систем кои можат да доведат до заглавување на воланот при возење, а тоа би предизвикало сообраќајни несреќи.

Моделот „авалон“ на „Тојота“ произведен во 2003 и 2004 година е повлечен од пазарите во САД и Јапонија.

Од „Тојота“ соопштија дека, за среќа, се уште не се случила ниту една сообраќајка поради споменатите проблеми.

Јапонскиот произведувач на автомобили, во текот на последнава година веќе 14 пати повлекуваше разни модели поради дефект на повеќе делови на возилата и до сега се повлечени 8,5 милиони возила.