ALFA TV - Економија - Македонија изминатата година се задолжила за 430 милиони евра

Економија

Share |

Македонија изминатата година се задолжила за 430 милиони евра

четврток, 22 јули 2010, 17:59

Владата дефнитивно повлекува 68 милиони евра од ММФ за буџетски потреби. Пратениците го поддрржаа законот за заем од фондот. Опозицијата обвини дека позајмувањето е нерационално, а парите ќе се трошеле за непродуктивни расходи, за плати и пензии.

,, Транспарентно ќе беше да кажете за што ќе се трошат овие пари,, вели Маријанчо Николов од Сдсм. Изминатата година власта се задолжила за 430 милиони евра- тврди Манасиевски. Од вкупната сума, само 130 милиони се насочени за инфраструктурни проекти, останатите се трошеле за тековни расходи.

,,Носите одлуки за задолжување, а не кажувате ниту кога ќе ги вратиме, ниту пак за што ќе се наменат овие средства,, вели Манасиевски.
Во одбрана на позајмувањата, власта вели дека со парите од ММФ ќе се финансира дефицитот.

,,ММФ не дава рокови за враќање, се зависи од самата држава,, изјави заменикот министер за финансии, Рамизи.За опозициската Сдсм неодговорно е тоа што Владата иако можела уште лани да ги користи евтините пари од ММФ, ја крстосувала Европа, барајќи купувачи за еврообврзницата. Сега предлагаат со овие пари веднаш да се плати долгот кон стопанството.

,, Владата доби 41 милион евра од дивидендата од Телеком и ќе користи околу 70 милиони евра од ММФ. Тоа значи дека Владата вкупно ќе има на располагање 111 милиони евра. И порачуваме на Владата парите веднаш да ги искористи за да го плати целиот долг на државата кон приватните фирми,, изјави потпретседателот на Сдсм, Зоран Јовановски.

Парите од ММФ се со ниска камата од 0,30%, нема прецизен рок кога треба да се вратат. Владата и натаму одбива да склучи аранжман со ММФ.

Билјана Василева Трендафилова