ALFA TV - Македонија - МВР ќе прислушува без судски налог

Македонија

Share |

МВР ќе прислушува без судски налог

среда, 16 јуни 2010, 17:25

Власта упадна во граѓанската приватност. Пратениците на ВМРО ДПМНЕ изгласаа измени во Законот за електронски комуникации со кои МВР непречено може да ги следи интернет и телефонските комуникации. Потписот на Јавниот обвинител и налогот на истражен судија преку кои се овозможуваше следење на коминукациите се минимизираат. Според Хелсиншкиот комитет противуставно е полицијата самата да проценува кого и колку ќе го следи.

- „Ова е длабок упад во приватноста. Ова е протвизаконски и противуставно“ - изјави Ана Стојковиќ, Хелсиншки комитет за човекови права.

Хелсиншки е загрижен од владината постапка затоа што се игнорирани сугестиите на Советот на Европа дека со законот се кршат човековите права. Законот го нападна и опозицијата. Во парламентот тврдеше дека опасната авантура на ВМРО ДПМНЕ ќе заврши на Уставен суд.

- „Со ова се воведува авторитарен режим. И до сега беше јасно дека масовно се прислушува“- изјави
Владо Бучковски, СДСМ.

Ќе следуваат силни реакции на Европската комисија, предупредува опозицијата затоа што овој закон мора да помине низ европскиот филтер. Власта се правда дека со измените само им се наложува на телефонските оператори да поседуваат опрема преку која на полицијата ќе и се даде пристап до сите броеви, но тоа не значело масовно прислушување.

- „Ова значи само задолжение за оператоерите. За кривични дела секако дека ќе мора дозвола од обвинител и судија“- изјави Цветко Грозданов, ВМРО ДПМНЕ

Власта не го послуша невладиниот сектор кој преку 15 организации испрати писмо до пратениците за штетноста на измените.

Љубиша Арсиќ