Годишнина од трагедијата на бродот „Илинден“

Македонија

Share |

Годишнина од трагедијата на бродот „Илинден“

недела, 05 септември 2010, 17:45

Солзи, тага и непребол – емоциите се се уште свежи и по една година од бродската несреќа која однесе 15 животи. Меѓу семејствата на трагично загинатите бугарски туристи е и Марија Павлова - која го преживеа потонувањето на „Илинден“. Тивко залак по залак со насолзено очи вперени кон езерската шир се присетува на кобното утро. Сопругот повеќе не е покрај мене, потона заедно со “ Илинден“ – но мојот живот му го должам на капетанот Филески.

- „Бродот почна да тоне, обезглавени сите бараа начин да се спасат, во последен момент Филески ме спаси, тој последен го напушти бродот. Не знам можеби требаше да има спасувачки перничиња, можеби така ќе се спасевме сите - не знам, очекувам пред се морална одговорност“ – вели Марија Павлова.

На 26. Октомрви започнува судскиот процес за бродската несреќа, која на обвинителна клупа ги седна капетанот Сотир Филески и претстаникот на германски „Лојд“ - Бранко Баиќ. Семејствата на трагично загинатите имаат оштетни побарувања.

- „Да се разбира дека ќе бараме парично обештетување, но најнапред сакаме да се открие причината за несреќата и виновниците“ – вели Кмчо Ѓориев, претседател на иницијативниот комитет на семејствата на загинатите.

Нити семејставата на загинатите, ниту бугарскиот амбасадор во земјава не сакаат да го коментираат досегашниот тек на истрагата која ја водат македонските истражни органи, постојано критикувани од бугарските колеги.

- „Не би сакал да зборувам за тоа, не е е благодарно. Дојдовме тука на црковен помен за загинатите, ви благодарам за се што сторивте за нив“ - Раковски Симеон Лашев, амбасадор на Бугарија во РМ.

И додека градот ги брои загубите во туризмот по бродската несреќа...
„ние и граѓаните на општина Охрид, годишно сигурно трпиме околу 5 милиони евра загуби“ – вели Петрески.
Судот во Охрид се подготвува за отпочнување на судкиот процес за кој беа испитани 50-тина сведоци и оштетени лица. Филески ќе се брани од слобода. Нема информации дали второ обвиенетиот Баиќ ќе дојде на судењето или ќе му се суди во отсуство.

Росица Голабоска