ALFA TV - Македонија - Почна реконструкцијата на Гинеколошко-акушерската болница во Чаир

Македонија

Share |

Почна реконструкцијата на Гинеколошко-акушерската болница во Чаир

петок, 30 јули 2010, 12:58

Министерот за здравство Бујар Османи денеска го означи почетокот на реконструкција на Гинеколошко-акушерската болница во Чаир. Со тоа почнува реализацијата на првата фаза од проектот за реконструкција, доградба и изградба на болниците, кој опфаќа 20 јавни здравствени установи во државата.

- Само во оваа болница ќе се инвестираат околу два милиони евра, а работите ќе се завршат за не повеќе од 12 месеци. По завршување на сите предвидени градежи зафати, второто по големина родилиште во земјава со над 3.000 породувања годишно ќе добие нови модерни породилни сали, двокреветни соби и апартмани по најновите стандарди, со што родилките ќе добијат посовремен третман и попријатен престој во болницата, изјави Османи.

Тој рече дека со симболичното означување на почетокот на градежните работи сакаат да ја истакнат разликата меѓу овој состав на Министерството за здравство и начинот на кој се делувало односно не се делувало во минатото.

- Разликата е во тоа што денеска за предизвиците во здравството се зборува јавно, се нудат решенија и тие се имплементираат. Затоа сите критики што ги слушаме во јавноста во однос на породилиштата сметам дека се неосновани и неаргументирани бидејќи повеќето од тие кои критикуваат имале прилика да направат нешто во породилиштата. Во врска со извештајот на Комисијата за стручен надзор за ситуацијата во породилиштата, сите констатирани состојби се резултат на едно 20-годишно запоставување и игнорантски однос, истакна Османи.

Потребата за реконструкција на породилиштата, посочи Османи, ја утврдивме од првиот ден од мојот мандат и после напорни подготовки денеска почнуваме со градежните работи ширум земјата.

- Веќе реконструиравме неколку породилишта, ја изградивме новата зграда на првото по големина родилиште во земјата. Ова е историски ден и проект во делот на подобрување на условите во јавните здравствени установи. Новата зграда на Клиниката за гинекологија почнала да се гради пред 10 години и ништо не е направено токму во периодот на тие кои денеска критикуваат дека не се прави нешто за породилиштата. Од кога сум министер таму се завршени сите градежни работи. Ја очекуваме опремата за новата Клиника, сакаме да ја опремиме со мебел и кревети и да личи на вистинска модерна болница, додаде министерот Османи.

vrednost

Објавено на 30.07.2010, од cair

zarem pak rekonstrukcija.treba nekoj da poraboti na toa kolku cinese gradbata so GIA inzeniering,kolku pati e plateno i koj se e izmesan pa so tie pari sega nemase da treba nova investicija ili pak istoto ke se sluci,malku investicija ama mnogo pari.