четврток, 09 септември 2010
АлфаTV Вести
Алфа ТВ во живо на zulu.mk. Mobile    Редакција     За Алфа ТВ     Контакт     Маркетинг

Македонија

Share |

Пратениците ја почнаа расправата за интерпелацијата за министерката Јанкулоска

петок, 30 јули 2010, 12:54

Пратениците во Собранието на Република Македонија денеска во рамки на 116. седница ја почнаа расправата по интерпелацијата за работата на министерот за внатрешни работи Гордана Јанкулоска.

Директен повод за поднесената интерпелација од страна на опозициските СДСМ и НСДП е инцидентот што се случи во Собранието на 1 јули годинава. Според собранискиот Деловник, претресот по интерпелацијата трае најмногу еден работен ден.

Во образложението на интерпелацијата, пратеникот Јани Макрадули меѓу другите причини за интерпелацијата ги спомена и апсењето на Душко Илиевски и неговиот татко и брат, како и, подвлече, злоупотреба на службена положба за време на вчерашната седница за пратеничките прашања. Според опозицијата, потенцира Макрадули, Јанкулоска ќе биде запаметена по периодот во кој во „Република Македонија се инсталира полициска држава“.

- Кој дал наредба за полицискиот упад во Собранието. Сето тоа се случи за да се сокрие срамот од лажните ветувања. Упадот на полиција во нормална деморкатија значи оставка на Влада, рече Макрадули, упатувајќи серија обвинувања до Јанкулоска. Ги повика пратениците од ВМРО - ДПМНЕ „денеска да кажат не за полициска држава и да направат нешто за Македонија“.

Министерката Јанкулоска во одговорот се заблагодари за можноста уште еднаш да се каже вистината за полицискиот службеник кој беше нападнат и попречен во извршување на задачи и да ги презентира фактите кои, рече, покажуваат се. Ќе придонесе да се тргне и последната дамка и нејаснотија за тоа кои беа насилниците во тој случај, а кој одмерено и професоинално си ја вршеше работата. Таа очекува дека по оваа дискусија јавноста ќе знае дали законите важат за сите други, освен за некои пратеници, кои, подвлече, може секогаш да поминуваат неказнети. Јанкулоска изрази надеж дека поединците ќе ја преземат одговорноста и „ќе го увидат срамот кои и го нанесоа на Република Македонија“.

- Би било понижување да дискутираме и понатаму за насилната промена на власта - пуч, што според Вас се случила на 1 јули. Искажаните квалификациите за мене е несреќно и срамно промовирање на омраза и симнување на нивото на демократијата во законодавниот дом, рече таа.

Во обраќањето до пратениците, Јанкулоска укажа дека почитта е нешто што се заслужува и не може да се генерализира. Многумина од вас, посочи, покажаа дека можат да бидат пример за демократијата во Македонија, а тоа е борба на идеи, визии и аргументи.

- Неколкумина промовираа насилничко и примитивно однесување, примена на брутална сила, кој за нив е супериорна во однос на зборот. Нивните визии за промоција на насилството како начин на дијалог претставуаат срам за нив лично и за Собранието, нагласи Јанкулоска, оценувајќи оти физичките пресметки се понижување и за граѓаните кои гласаа и за демократијата во Македонија.

Според ниту еден закон во Република Македонија, предупреди минситерката за вантрешни работи, пратениците немаат право да легитимираат граѓани дури и ако ностат камера и да снимаат, ниту физички да напаѓаат и да се пресметуваат. Пратеничкиот имунитет не е дозвола за вандалско однесување. Морално и етички е недозволиво напад врз било кого, па и врз полициски службвеник кој ја извршува својата должност.

Архива на вестиОстави коментар

zdr

Објавено на 30.07.2010, од dragan

Akciite na MVR od 2006 odkako stapi na dolznost Jankulovska: Akcija ,,zmisko oko'' so sto od koren bese prescen ovoj milionski kriminal; akcijata na granicnite premini isto taka milionski kriminal, 1 ton kokain faten na granicen premin vo kanti za polikolor; akcijata ,,pepel" uapsen Bajrus Sejdiu i isto taka prescen kriminal vreden milioni evra; akcijata ,,Brodec" likvidirana kriminalna grupa izbegana od kosovski zatvor; akcija ,,falanga" prescena kriminaln grupa sto svercuvala anticki predmeti; akcijata za suzbivanje na kriminalot so invalidskite penzii; neodamnesnata akcija vo koja se uapseni poveke odgleduvaci na marihuana niz celata drzava i uste mnogu drugi akcii ...... Gospoda e ova e rabota, se sekava nekoj pred 2006 na nekoja vakva akcija za suzbivanje na kriminal?


08.09.2010   Вести

Поврзани вести

Моментално нема вести кои се поврзани со оваа вест.

Денешни вести





© ALFA TV. Сите права се задржани.

By Semos multimedia