ALFA TV - Македонија - Груевски: Стечајците се сдсмовци

Македонија

Share |

Груевски: Стечајците се сдсмовци

четврток, 29 јули 2010, 17:46

Додека стечајците на пеколното сонце го чекаа Никола Груевски да излезе од Собранието за да го прашаат што мисли да прави со нивната судбина, премиерот внатре на седницата за пратенички прашања уште еднаш се амнестираше од одговорност. Беше прашан за нив, директно од пратеничката на СДСМ Весна Бендевска - дали мисли да го исполни тоа што пред нив и пред камерите го ветил пред изборите во 2008 година.

- „Спремен ли сте да го решите прашањето на овие што останаа надвор“, праша Бендевска.

Тврдеше дека се што ветил, исполнил. Обвини дека стечајците во најголем дел се продукт на владеењето на СДСМ. Дополнително, протестите надвор биле со партиска логистика.

- „Ова што сега го гледате надвор поголемиот дел се членови се СДСМ, а помал дел се стечајци, кои произлегоа од приватни фирми“, одговори Груевски.

Второто жешко прашање кое опозицијата денеска го отвори на седницата, е случајот со млекарот Душко Илиевски. Опозицијата обвини за монтиран процес без аргументи во кој власта притвора политички неистомисленици. Во исто време кога нејзини партиски функционери прават милионска проневера во РЕК Битола.

- „Самиот факт дека е ослободен од притвор, значи и дека докази против него нема и се е наместено од власта. Г-не премиер ве прашувам директно. Кој е следниот по Душко Илиевски?“, праша Диневски.

Место Груевски, одговараше министерката за внатрешни работи. Со видлива доза на ароганција цели 37 минути Јанкуловска објаснуваше - што е канабис, каде е наместена прскалката во нивата на Илиевски, покажуваше фотографии и, како што самата велеше, без да ги коментира судските одлуки досега, констатираше дека нема основа во тврдењата дека млекарот бил физички малтретиран во битолската полициска станица.

- „И во ова Ваше обвинување нема аргументи дека фармерот е физички малтретиран и затоа господине Диневски, се надевам дека ќе соберете храброст и ќе имате доблест да се извините за вашите тврдења“, рече Јнакуловска.

И, МВР побара извинување од Душко Илиевски, со објаснување дека не е малтретиран од полицијата додека бил приведен и притворен. Пратеникот Диневски и возврати на министерката - ја повика да им се извини на млекарите за кои тврдела дека упаднале во канцеларијата на битолскиот градоначалник, затоа што, рече пратеникот од СДСМ, судот подоцна ги отфрлил таквите обвинувања против млекарите.

Зоран Фиданоски

kaj gi najdovte ovie?

Објавено на 23.08.2010, од db

Spored koja logika na pLemieLot clenovite na drugite partii ne se LUGE?

Naslov

Објавено на 19.08.2010, од IIme

Ako pocne vladata da dava pari za stecajci od privatni firmi site ke otidat namerno vo stecaj. Bidete realni treba da se zavrsi so stecajci i da se odi napred a ne nazad vo 1994.

магаре

Објавено на 17.08.2010, од љупчо

Значи ако се СДСМовци не се љуѓе...магаре едно...за то те избравме?

Помош од премиерот

Објавено на 30.07.2010, од Трпе

Премиере,ако вие не се сметате дека сте пастир на сите грагани на Македонија,помогнете им само на стечајците а немојте да и помагате на сдсмовците.Вие го делите народот на сдсмовци и дпмне-овци.А министерката запартиски работи реба да знае дека полицијата приведува а кој и дал налог да приведе,а кој дал налог на судот да притвара(иако тој треба да одлучува).Следниот пат да им бидат успешни налозите, треба да обвинуват за убиство.Тоа е Македонијааааааааааааа..

ВИДОВИТ

Објавено на 30.07.2010, од Nikola

Како почна нашиов премиер да кажува за сите така сигурни информации ќе помислам дека е видовит. Само знам дека како поминува времето, ВИДОВИТИОТ ќе стане СЛЕП. СРАМ МИ Е ШТО ГЛАСАВ ЗА ТЕБЕ, МЕЃУТОА ЧОВЕК НА СОПСТВЕНИ ГРЕШКИ НАЈМНОГУ УЧИ.

Предходни 1 2 Следни