ALFA TV - Македонија - Државен секретар во екологија ги малтретирал вработените

Македонија

Share |

Државен секретар во екологија ги малтретирал вработените

петок, 05 март 2010, 18:04

Или државниот секретар Зафировска или ние министре Јакупи – му се заканиле државни советници и раководители на сектори во екологија – на Неџати Јакупи револтирани од секојдневниот притисок на Лидија Зафировска која вработените како што тврдат ги нарекувала бандити, банда без команда, криминалци, змиско гнездо.

Во писмото до министерот високи структури од екологија твдат дека државниот секретар Зафировска ја злоупотребувала функцијата – со закани, пцости, примена на навредливи зборови, висок тон на комуникација - како државен секретар ја оценувала и нивната работа, применувала казни за бркање од работа, промена на работното место – кои поради неаргументираност подоцна биле отфрлани од Агенцијата за државни службеници.

Зафировска според екологистите спроведувала опасна и незаконска тенденција за поделба на министерството на македонски и албански дел, па оттука дека таа треба да управува со македонскиот дел, а министерот со албанскиот дел на вработените. Зелените тврдат дека Зафировска кадар на ВМРО ДПМНЕ е и нестручна го споменуваат примерот кога било дадено негативно мислење од управата за животна среднина за испуштањена фекалии од колекторот од Волково во Лепенец – Зафировска самоволно надвор од нејзините компетенции дала согласност за испуштање на фекалии од колекторот директно во Лепенец – со што нанела штета на министерството – тврдат зелените ви писмото. За мобингот Јакупи му се жалеле на Премиерот - Груевски вчера ја викнал во кабинетот на отчет. Синдикалците го повикаа министерот да ја изолира Зафировска од вработените.

Зафировска според екологистите ги срамела и пред странците – на обуки правела конфликти за стручни прашања што и не ги разбирала и создавала лоша слика за министерството.

Милка Смилевска